Wezîrê Enerjî û Çavkaniyên Siruştî Taner Yildiz, piştî hevdîtina xwe ya bi Wezîrê Gihandinê yê Venezuelayê re pirsên rojnamevanan ên der barê rojevê de bersivand.

Yildiz der barê sewqkirina nefta ji Kurdistanê de destnîşan kir ku tankêra 12an hatiye barkirin û 8,8 milyon warîl petrol jî hatiye sewqkirin.

Yildiz diyar kir ku di Xeta Boriyê ya Petrola Xam ya Kerkûk û Yumurtalikê re, rojane 180-190 hezar warîl petrolê derbas dibe. Taner Yildiz got ku dê ev hejmar derkeve 200-220 hezar warîlî û wiha dewam kir: "Di depoyan de 300-350 hezar warîl neft heye û ev jî ji bo sewqkirinê amade ye."

Yildiz der barê birîna ceyranê ya li Merdînê jî diyar kir ku ceyrana kesên ku deynê xwe nedane tê birîn û wê rê nadin emilandina ceyrana qaçax.

Çınarın Sesi