Diyarbekir  qerara Serokê Amerîka Donald Trump a naskirina Qudsê wek peytexta siyonîstan bi mîtînga ku dê ji teref HUDA PARê ve bê tertîpkirin dê şermezar bike.

Temamê amadehîyên mîtînga ku dê di seat 13.00an de li Meydana Îstasyonê bê tertîpkirin digel temamê kelecana xwe berdewam dikin. Gelek sazîyên civaka sîwîl destekê didin mîtîngê.  Bo xelk bê vexwandin  mîtîngê li gelek derên bajêr bi afîş û pankartên mîtînga ku dê bê tertîpkirin hatin xemilandin.

 Arîkarê Serokê Bajêra Diyarbekirê yê HUDA PARê Şukru Aksoy derbarê  amadehîyên ku bo mîtîngê tên kirin de agahî da û diyar kir ew ê berî mîtîngê bi rojekî  wesayîtên anonsê dê li bajêr bigerin û dê xelkê vexwînin mîtîngê.

Aksoy di berdewama axavtina xwe de diyar kir Quds şîara ummetê ye û dû re wiha xelkê vexwand mîtîngê: “Da heydê hezkirîyên Qudsê werin Meydana Îstasyonê.”

ÎLKHA