Hat ragihandin ew ê dijmintîya mizgeft û sehabîyan a Şaredarîya Bajêra Mezin a Diyarbekirê ya HDPyî ji teref STKyên sîwîl ve bê tel’înkirin.

Di dema qayyûma ku ji teref Wezareta Karên Hundir ve hatibû wezîfedarkirin de navê Îyaz Bîn Xanemê ku fermandarê fetha Diyarbekirê bû li kolana ku nû hatibû vekirin hatibûn dayîn. Şaredarîya HDPyî cardin dijmintîya xwe ya li hember Îslamê û nirxên Îslamê nîşan da û tabelaya kolana ku navê Îyaz Bîn Xanem lê hatibû dayîn guhart û navê hukumxwarê PKKyî yê bi navê Dr. Îlhan Dîken da kolanê.

Walîtîya Diyarbekirê vê qerara ku ji teref Şaredarîya Bajêra Mezin ve hatibû dayîn red kiribû; lê belê digel vê redkirinê şaredarî doh êvarî navê kolanê guhart. Ji ber vê yekê Walîtîya Diyarbekirê di wextên şeveqê de wê tabelaya nû ya ku ji teref şaredarîyê ve hatibû amadekirin ji cihê wê rakir.

STKyên Îslamî yên ku kar û barên xwe li bajêr birêve dibin ew ê 19ê Tîrmehê roja înê piştî nimêja înê li ber Şaredarîya Bajêra Mezin a Diyarbekirê dijmintîya şaredarîya HDPyî tel’în bikin.

ÎLKHA