Li Oxîna beldeya Modkîya navçeya Bedlîsê, kêfxweşiya merasîma îcazetê hebû. Merasîm li Medreseya Oxînê ya dîrokî hat lidarxistin. 63 alimên ku îlmên xwe yên Îslamî yên rêzê qedandin, bi merasîm îcazetên xwe wergirtin.

Merasîm bi xwendina Quranê dest pê kir. Xeberdana destpêkê ji aliyê Şêx Fethûllah Ayeteyê muderrîsê medreseyê û ji şêxên herêmê ve hat kirin.

Miftiyê Bedlîsê Ebdulkerîm Akbaba jî xeberdaneke kin kir û da zanîn ku wê di demeke kin de, digel rayedarên Diyanetê bi muderrîs û telebeyên medresê re bên cem hev.

Di merasîmê de muderrîsên ku îcazet dan, nav û kunyeyên alimên ku îcazet stendine xwendin. Bi tekbîr û selewatan îcazet hatin dayîn û yek bi yek ji wan re muweffaqiyet hat xwestin.

Çınarın Sesi