Yahya Ograşê Berdevkê Platforma Evîndarên Pêxember derbarê Îmtîhana Sîyerê ya ku îro hat tertîpkirin de ji ÎLKHAyê re daxuyanî da. Ograş di daxuyanîya ku da de Îmtîhana Sîyerê nirxand û destnîşan kir îsal li  74 bajêran îmtîhan hatiye tertîpkirin.

Ograş di daxuyanîya ku da de destnîşan kir îmtîhan bêproblem derbas bûye û dû re wiha li axavtina xwe zêde kir: “Ji sala 2012an vir ve ev îmtîhan bi şikleke birêkûpêk tê tertîpkirin. Exlebe gelê me hînî vê îmtîhanê bû û gelê me her ku diçe eleqeyeke mezin nîşanî îmtîhanê dide. Em jî wek Platforma Evîndarên Pêxember ji vê yekê re bûn wesîle û em ê vê wesîlebûna xwe bidomînin. Ji hemû derdorê însan beşdarî vê îmtîhanê bûn.”

“Înşallah ew ê ev yek bibe wesîle ku em ji şefaata Resûlullah nesîbdar bibin û bibin cîranê wî”

Ograş di berdewama axavtina xwe de diyar kir hemû kesên ku ketin îmtîhanê winda nekirin û zirar jî nekirin û dû re wiha li axavtina xwe zêde kir: “Mamoste û birayên me yên perwerdekar bi şikleke dildar di  vê îmtîhanê de wezîfe kirin. Em ji van birayên xwe re teşekur dikin, mala wan ava be. Înşallah ew ê salên were jî îmtîhanên me bi vî şiklî berdewam bike. Ev îmtîhan di bin navê ‘Wî Bixwîne û Jiyana Wî Tetbîqî Jiyana Xwe Bike’ hat tertîpkirin. Înşallah ew ê ev yek bibe wesîle ku em ji şefaata wî nesîbdar bibin û bibin cîranê wî. Em bi vê niyet û îradê ketin vê rêyê.”

 “Îsal 180 hezar kes ji bo îmtîhanê serîlêdan kir”

Ograş di berdewama axavtina xwe de derbarê hejmara kesên ku îsal ketin îmtîhanê de wisa nirxandinan kir: “Îsal 180 hezar kes ji bo îmtîhanê serîlêdan kir. Dibe ku ev yek bi wan salên borî re bê qiyaskirin; lê belê li hinek deran astengî derket û dû re ev yek hat çareserkirin. Ji ber vê yekê ji ber van problem û astengîyên ku derketin dibe ku hejmar bê guhartin. A mûhîm qezenckirina riza Xwedê ye û vê yekê berdewam kirin e. Ji hejmara kesên ku beşdarî vê îmtîhanê wirde a muhîm ji bo riza Xwedê kirina vê îmtîhanê ye…  Di hedefa xebatên weqfa me de ev heye. Zarokên me û nesla me ya ciwan beşdarî vê îmtîhanê dibin ku ev yek ji hêla islhkirin û îhyakirina civakê û hînkirina jiyana Resûlê Xwedê ve pir muhîm e û qezenceke mezin e.”

Ograş di dawîya axavtina xwe de diyar kir ew ê pirsên Îmtîhana Sîyerê îşev di Rehber TVyê de bi bernameya ku dê bê tertîpkirin bên çareserkirin û encam jî dê 10-15 roj şûnde bên daxuyandin.

ÎLKHA