Donald Trumpê Serokê Dewleta Amerîka derbarê îddîayên îadekirina “Fethullah Gulen” de destnîşan kir ew niha vê yekê nanirxînin û tiştên ku derbarê vê mijarê de tên gotin nerast in.

Trump, pirsên rojanemegeran ên derbarê îadekirina Fethullah Gulen û cinayeta Cemal Kaşikçi de bersivand.

Trump pirsa ku derbarê îadekirina Fethullah Gulen de wisa bersivand: “Niha ev mijar ji teref me ve nayê nirxandin. Li ber me ev yek heye; ka gelo em dikarin bo Tirkîyê çi bikin, em her tim li vê dinêrin. A rastî em vê yekê ji bo temamê welatên ku pêwendîyên me bi wan re baş e dikin.”

Trump di berdewama daxuyanîya xwe de diyar kir ew  hêj meseleya Cemal Kaşikçi yê ku di konsulxaneya Siûd a li Stenbolê hat kuştin bi CIAyê re neaxivîye û ew ê meselê bi Wezîrê Karên Derve Mîke Pompeo û rayedarên îstîxbaretê re xe ber bide.

ÎLKHA