1. HABERLER

  2. KURDÎ

  3. Bavê ku qîza xwe di emrê ciwan de zewicand ji sûcê "îstîsmara zayendî"hat tewqîfkirin
Bavê ku qîza xwe di emrê ciwan de zewicand ji sûcê "îstîsmara zayendî"hat tewqîfkirin

Bavê ku qîza xwe di emrê ciwan de zewicand ji sûcê "îstîsmara zayendî"hat tewqîfkirin

Li Sêrtê bavê ku qîza xwe di emrê ciwan de zewicandibû û jê re ji ber sûcê “ îstîsmara zayendî” 3 sal 4 meh ceza hatibû dayîn hat tewqîfkirin.

A+A-

Li gorî agahîyên ku hatine wergirtin li Taşliya gundê Şîrwana Sêrtê kesê bi navê A.C. ji ber ku qîza xwe di emrê ciwan de zewicandibû derheqê wî de doz hat vekirin û di encama dozê de jê re 3 sal û 4 meh cezaya hepsê hat dayîn. A.C.yê ku jê re 3 sal û 4 meh ceza hatibû dayîn di encama îxbara ku hat kirin de hat tewqîfkirin û hat şandin Girtîgeha Girtî ya Tîpa E ya Sêrtê.

Gundîyên ku derbarê mijarê de axivîn destnîşan kirin, bûyer ne bûyera “îstîsmara zayendî” ye, bes ji ber ew qîza xwe di emrê ciwan de zewicandiye hat tewqîfkirin ku e  yek ne ya qebûlkirinê ye.

“Malbata wê pîreka ku bav û zilamê wê hat tewqîfkirin tarûmar bû û zarok di holê de man”

Gundîyên ku derbarê mijarê de axivîn wisa gotin: “Weke ku tê zanîn li herêma me emrê qîzan li nifûsê biçûk tê danîn.  Gundîyê me jî wisa kiriye û dema ku wextê zewaca qîza wî hatiye zewicandiye. Niha nevîyên wî hene.  Piştî ku 5-6 sal ji ser zewaca qîza wî derbas dibe derheqê wî de ji sûcê ‘îstîsmara zayendî’ doz vekirine û 3 sal û 4 meh ceza jê re birîne. Ev yek ne ya qebûlkirinê ye. Malbata wê pîreka ku bav û zilamê wê hat tewqîfkirin tarûmar bû û zarok di holê de man. Tiştê jê ecêbtir wanan avêtin koxuşa tecawuzkar û dizan. Ev yek nayê qebûlkirin.”

Walîtîya Sêrtê bi daxuyanîya ku belav kir bûyerê piştrast kir û got ku A.C. yê ku ji sûcê “îstîsmara zayendî” 3 sal û 4 meh jê re ceza hatibû dayîn di encama îxbara ku hat kirin de di têketina gund de hat girtin.

ÎLKHA

HABERE YORUM KAT

UYARI: Küfür, hakaret, rencide edici cümleler veya imalar, inançlara saldırı içeren, imla kuralları ile yazılmamış,
Türkçe karakter kullanılmayan ve büyük harflerle yazılmış yorumlar onaylanmamaktadır.