Midûriyeta Polêsan a Bajarê ragihand ku di operasyoneke ku ji teref ekîbên Midûrîyeta Şaxa Qaçaxçîtî û Sûcên Rêxistinkirî û Midûriyeta Polêsan a Navçeya Sûrê ve li navçeya Sûrê hat kirin de du bombeyên destan hatine desteserkirin û çar kes hatine binçavkirin.
Li gorî daxuyaniyek ji Midûriyeta Polêsan a Dîyarbekirê, di 22ê Tebaxê de di çarçoveya hewldaneke hevbeş a Daîreya Qaçaxçîtî û Sûcên Rêxistinkirî û Daîreya Polêsan a Navçeya Sûrê de li navçeya Sûrê operasyonek hatiye lidarxistin.
Di operasyonê de 4 şikdarên bi navê M.Y., R.E., İ.Ç. û D.Ç., bi 2 bombeyên destan ve hatin girtin û hatin binçavkirin.
Piştî temamkirina prosedurên pêwîst li qereqola polêsan, çar şikdar ji bo rayedarên dadweriyê hatin şandin.
Hemû şikdar ji teref dadgehê ve hatin girtin û şandin girtîgehê. (ÎLKHA)