Bûyer şeva 26ê Tebaxê li Kolana Dr. Yusuf Azizoğlu ya li Taxa Feritkoşk a navçeya Yenîşehîrê qewimî. Du komên ku dijminatiya wan hebû li kolanê rastî hev hatin, ji wesayîtên xwe daketin û bi hev re gule berdan hev. Piştî agahdarkirinê gelek tîmên bijîşkî û polîsan sewqî cihê bûyerê hatin kirin. Di dema pevçûnê de 7 kes bi guleyan birîndar bûn. Piştî ku tîmên bijîşkî wan derman kirin, birîndar rakirin nexweşxaneyên bajêr. Tevî hewldanên bijîşkan jî, Şeyhmus Uğurkan û Mustafa Akşit, du ji birîndaran, nehat xelaskirin û mirin.
Tîmên polîsan ên ku li cihê bûyerê lêkolîn kirin, gelek fîşekên vala bi dest xistin. Hat dîtin ku du otomobîlên kesên tevlî pevçûnê bûne jî gelek gule lêketine. 2 birîndar hîn jî li nexweşxaneyê têne dermankirin û 3 jî ji nexweşxaneyê derketine. Tîmên Şaxa Ewlekariya Giştî ya Daîreya Polîsan a Parêzgehê 13 gumanbar binçav kirin. Piştî karûbarên li qereqola polîsan, gumanbar sewqî dadgehê hatin kirin. O.M., N.M., M.M., M.E., A.E., û A.S. hatin girtin. Çar kes bi şertê kontrola edlî hatin berdan.