Qeza, raya daxılê Bîtlîs-Ağrî de, mevkîyê dewa Kazanbeyî de ameye meydan.
Goreyê melûmatanê ke ameyê gırewtış, tıro ke dewarî barder bî u erebê de pîro day. Badê pirodajî, tır bagergîya u kewt motorê ke ser de dı merdimi bî ser.
Merdimanê dormeyi ke xeber da, fîrazê jandarma, weşiye (sîhet) u itfaiye şirîyay cayê qeza.
Qeza de kesê ke motor de bî, jü cayi de heyatê xo kerd vindi; jü gıran, pêro pîya 4 kesî zî bî dırbetıni. Dırbetıni, badê mudaxeleyê verên ê fîrazanê weşiye, ameyî berdışê nêweşxaneyî.
Nêweşxaneyê Dewleti ê Patnosî de, dırbetıno gıran yo ke amey vıraştış, pêro mudaxeleyanê doktoran ra dıma zî heyatê xo kerd vindi. Bi nê hawali, wefatkerdeyê qeza veciyay dı kesan.
Raya ke semedê qeza ra jü sure gıryay biye, badê wedarışê wesayîtan onca ameye akerdış.