Weqfa Evîndarên Pêxember dê roja Yekşemê 19ê Nîsanê, saet 13:30an de li Parqa Newrozê ya navçeya Rezan a Dîyarbekirê çalakiyek bi navê Mewlûda Nebî bi mijara "Rêberê me yê Wehdet û Xelasîyê, Hezretî Muhammed" li dar bixe.
Pankartên ku mîtînga Mewlûda Nebî ya ku dê dawiya vê hefteyê li Dîyarbekirê were lidarxistin radigihînin, li deverên cûrbecûr ên bajêr dest bi daliqandinê kirin.
Wekî salên berê, amadekariyên ji bo ragihandina mîtînga Mewlûda Nebî, ku îsal bi mijarek cûda dê li 17 navçeyan, bi giranî li navçeyên navendî yên Rezan, Kayapınar, Yenişehir û Surê were lidarxistin, dest pê kirine.
Hezkiriyên Hezretî Pêxember li navçeyên navendî heta derengiya şevê dixebitin û li ser gelek çarrê, ser rêyên derbasbûnê, navend û dîwarên bajêr pankartên bi ziman û zaravayên Tirkî, Kurdî û Zazakî daliqandin.
Tê diyarkirin ku heta roja destpêkirina çalakiyê, ji bo temamkirina amadekariyên plankirî xebat dê berdewam bike. (ÎLKHA)