Wezîrê Veguhestinê yê Fransayê Philippe Tabarot di daxuyaniyek çapemeniyê de got ku di ketina balafireke sivik li Pîreneyê de çar kes, ku mamosteyek û sê xwendekarên Dibistana Neteweyî ya Hewayî ya Sivîl a Fransayê (ENAC) jî di nav de ne, canê xwe ji dest dan.
Li gorî medyaya herêmî, balafireke yek-motorî ku pir caran ji hêla klûbên firînê ve tê bikar anîn, roja Yekşemê êvarê li bilindahiya 1200 metreyan li herêma Ariege ya başûrê rojavayê Fransayê hate dîtin. Termên çar rêwiyan jî ligel bermahiyên balafirê hatin dîtin.
Serdozgeriya giştî ji bo diyarkirina sedema qezayê lêpirsîn da destpêkirin. (ÎLKHA)