Baroya Êlihê ji bo Denîz Goktaş, ku xwe wekî komedyen bi nav dike û ji ber îddîaya ku di dema pêşandaneke stand-upê de heqaret li Quran û Hezretî Muhammed (silavên Xwedê lê bin) kiriye û hatiye girtin, daxuyaniyeke piştgiriyê weşand. Daxuyaniya ku tekezî li ser "azadiya ramanê" dikir, bi nerazîbûneke giştî re rû bi rû ma.
Lijneya Rêvebir a Baroya Êlihê, piştî girtina Denîz Goktaş, di daxuyaniyek nivîskî de îddîa kir ku prosedurên binçavkirin û girtinê neqanûnî ne û daxwaza serbestberdana wî kir.
Daxuyaniya Baroyê derbarê girtina Denîz Goktaş de bi sernavê "Em destwerdanên neqanûnî yên li dijî azadiya ramanê red dikin". Ev daxuyanî jî bû sedema bertekên tund ên raya giştî.
Daxuyanîya Baroya Êlihê:
"Em destwerdana neqanûnî ya azadiya ramanê red dikin. Di medyayê de hatiye ragihandin ku komedyen Denîz Goktaş, ku li ser daxuyaniyên wî yên di dema pêşandaneke stand-upê de lêpirsînek li dijî wî hatibû destpêkirin, hatiye binçavkirin û paşê hatiye girtin... Azadiya ramanê ji bo pêşkeftina takekesî û civakî pir girîng e. Di civakeke demokratîk de, ne tenê raman û îfadeyên ku ji bo piraniyê xweş in, lê di heman demê de yên ku nayên hezkirin, li dijî wan derdikevin, an jî şok dikin jî, ji hêla azadiya ramanê ve têne garantîkirin... Wekî Baroya Êlihê, em piştrast dikin ku fermana girtinê bi awayekî zelal neqanûnî ye û daxwaza serbestberdana tavilê ya Denîz Goktaş dikin." (ÎLKHA)