Di daxuyaniya ku ji aliyê baroyê ve hat kirin de hat bîrxistin ku Şêx Seîd û 46 hevalên wî di 29ê Hezîrana 1925an de li Diyarbekirê hatine îdamkirin.
Di daxuyaniyê de hat destnîşankirin ku tevî demeke dirêj di ser re derbas bûye jî agahiyên fermî yên derbarê cihên definbûnê de bi raya giştî re nehatine parvekirin û hat diyaririn ku ev rewş hem di nav malbatan de hem jî di nav civakê de dibe sedema nediyariyeke berdewam.
Di daxuyaniyê de hat tevgerandin ku ronîkirina hemû aliyên bûyerên berê qewimîne dê bibe sedema xurtbûna hafizeya civakî; her weha hat destnîşankirin ku derxistina heqîqetan ji bo xurtbûna hesta edaletê û avakirina aştiya civakî xwedî girîngiyeke mezin e.
“Hînbûna aqûbeta xizmên xwe mafekî bingehîn e”
Baroya Sêrtê di daxuyaniya xwe de bal kişand ser wê yekê ku mafê fêrbûna aqûbeta hezkirîyên xwe û gihîştina cihên definbûna wan ji bo malbatên ku xizmên xwe winda kirine, mafekî bingehîn ê mirovan e.
Di daxuyaniyê de hat diyarkirin ku daxwazên civakî yên derbarê windayên di bin çavan de û bûyerên kiriyar-nediyar (faili meçhul) ên di serdemên cuda de qewimîne, berpirsiyariya şeffafiyê ya dewletê derdixe holê; di vî warî de girîngiya parvekirina agahî û belgeyan bi raya giştî re hat tevgerandin.
Banga ji bo rakirina nediyariyê
Baroyê di dawiya daxuyaniya xwe de bang kir ku cihên definbûna Şêx Seîd û kesên li gel wî hatine îdamkirin werin tespîtkirin û ji raya giştî re werin eşkere kirin, dawî li vê nediyariya heyî were anîn û ji bo agahdarkirina şeffaf a raya giştî ya derbarê vê pêvajoyê de gavên pêwîst werin avêtin.