Li Rihayê Bavê Narin Güran Hate Rakirin Nexweşxaneyê
Arif Güran ê ku di 19ê Îlonê de ji Diyarbekirê ketibû rê, piştî meşa ku nêzî 12 rojan berdewam kir gihîşt Rihayê.
Güran ê ku ji ber meşa dirêj li lingên wî birîn çêbûn, li ser zêdebûna nexweşiya xwe hate rakirin nexweşxaneyeke taybet a li Rihayê û hate dermankirin.
Hate hînkirin ku Güran dê ji ber birînên li lingên xwe hinek dewe li nexweşxaneyê bê dermankirin û berdewamkirina meşê jî dê li gorî rewşa wî ya tenduristiyê zelal bibe.
Arif Güran ê ku dixwaze dosyaya derbarê mirina keça xwe Narin Güran de ji nû ve bê nirxandin, armanc dike ku meşa xwe ya ku ji Diyarbekirê dabû destpêkirin li Kuliya Serokkomariyê ya li Enqereyê bi dawî bîne.
Güran di seranserê meşa xwe de îtirazên xwe yên li ser pêvajoya dadgehkirinê ya derbarê mirina keça xwe de anîn zimên û daxwaz kir ku hin xalên di dosyayê de ji nû ve bêne lêkolînkirin.
Güran ê ku piştî gihîşt Rihayê ji ber rewşa xwe ya tenduristiyê neçar ma ku navberê bide rêwîtiya xwe, tê çaverêkirin ku piştî dermankirinê li gorî nirxandina bijîşkan (doktoran) dîsa bikeve rê.
Narin Güran di 21ê Tebaxa 2024an de li Taxa Tavşantepê ya ser bi navçeya Rezan a Diyarbekirê winda bibû û piştî xebatên lêgerînê di 8ê Îlonê de li Çemê Eğertutmazê cenazeyê wê hatibû dîtin.
Di pêvajoya dadgehkirinê ya derbarê mirina Narin Güran de, cezayên girankirî yên hepsa heta hetayê yên ku ji bo dayik Yüksel Güran, birayê mezin Enes Güran û apê wê Salim Güran bi sûcê "di nav hevkariyê de bi zanebûn kuştina zarok" hatibûn danîn, ji aliyê Dadgeha Bilind (Yargıtay) ve hatibûn pejirandin.
Bav Arif Güran jî îtirazên xwe yên li dijî biryara hatî danîn berdewam dike û bi daxwaza ku mirina keça wî bi hemû aliyên xwe ve bê ronîkirin û dosya ji nû ve bê nirxandin meş dabû destpêkirin.