Ev qetlîam û qirkirina ku 2 sal e li Xezzeyê ji teref rejima îşxalker ve tê kirin hemî gelên cîhanê û sazîyên civaka sîvîl rakir ser pîya, lê serokên dewletan û hikimetan ku divê ew gavên mezin biavêtana, di vê pêvajoya qetlîam û qirkirinê tu gavekî neavêtin an jî gavên biçûk avêtin.
Serokê Giştî yê Karwana Hêvîyê Cengîz Kurtaran îfade kir ku ew di vê pêvajoyê de nêzê 200 milyon Lîreyî alîkarîyê gihandine Xezzeyê, “Em ê ti dem Filistîn û Filistînîyan tenê û bêalîkar nehêlin. Em ê hêvîtîya xwe ya ji Xezzeyê re bidomînin.”
Kurtaran dûre weha got, “Em bi temamî 192 milyon û 43 hezar û 497 Lîreyî alîkarî gihandîye Xezzeyê. Van alîkarîyan jî bi kurtasî ewakî ne; 380 hezar û 447 lîre belavkirina şîva germ, 19 milyon û 886 hezar û 281 lîre alîkarîya neqdî, zexîre, arvan, amûrên paqijîyê, sol, cil û nivîn. 8 hezar û 144 heb heywanên biçûk wek qurban, qasî 615 hezar dolarî projeya nexweşxaneyek, projeya emelîyatê qasî 100 kesan, 2 heb ambûlansên tam tijîkirî, wesayîtekî neqilkirina nexweşan, 4 konbajar ku her konbajarek ji 140 çadiran pêk tê, û bi hezaran amûrên paqijî û alîkarîya ewil.”
Kurtaran bibîrxist ku ew berîya agirbestê bi keştîyek beşdarî Fîloya Sumudê ya Kûrewî bûne û xwestine ku dorpêça li ser Xezzeyê were şikandin. Bi tevî weqfên li Xezzeyê alîkarîyên xwe hêna jî berdewam dikin. (ÎLKHA)