Seba varanê sêpêre û gureyayışê asmêni ra ke dımaêna Çolig de biyo zaf, şewe munda dewa Tepebaşı ya ke girêdayeya nehiyeya Sancaki ya, dı keyan (çêyan) ro vırelu kerd. Hadise de kes nêmerdo û kes dırbetın nêbiyo, labelê tesisatê elektrîki û eşyayê keyeyî zaf zerar diyê.
Halil Bağatarhan ke dewa Tepebaşı ya girêdayeya Sancaki de nîşeti keno, va ke şewe saete 4.00 de varan û gureyayışê asmêni de keyeyê ey û yê ciranê ey ro vırelu kerdo. Bağatarhanî qiseyanê xo de va: 'Seba vırelu kewtîşê dı keyan, ma zaf tersayîm û panîk bîm. Şukır ke kesî rê çîyê nêbi, labelê tesisatê elektrîki û eşyayê keyeyî xira bîyî. Ez şîm AFAD labelê înan va ke ma tenê seba erdlerz û sêlî yenîm. Min zî va: 'Ma merdîme ra dıme nîyadekerdena ma bêfayde ya, merdımi bınasne ke dewlet zî bınasno'. No bêvengmenda înan ez zaf şaş kerdım. Ma wazenîm ke rayêrdarî bêrê zerarê ma tespît bikerê û ma nê halê tengi ra bivejê.