Çolig de sevebê serdiya ke normallanê wexti ra kêmêra, weşerwanan nêşay veciyê waran; aye ra heywanê xo axuran de kerdî weye.
Çolig de emsar, ortalamayê serranê peyênan ra vêşêr vevure varda. Şaristan de hema zî hewayo serd esto ve cayê berzan de zî vevure nêvıla ya. Na serdiya ke pêro şaristan de dewam kena u wext bi wext vevure varena, bi seveb ke sezonê waranê ke her serre nê wextan de abiyêne dwaye bıkewo. Weşerwanê ke nêşay veciyê waran, heywanê xo axuran de kerdî weye.
Şıwananê Çoligi vat ke na dwayekewtışê emsari inan zaf zor kerdo u wini vat: 'Ma her serre nê aşman de waran de biyêne. Emsar heyf ke sevebê serdiya hewayi ra ma hema nêşay veciyê waran, heywanê ma zere de yê. Sezonê warye nêresiya, aye ra ma mecburen heywanan zere de kenê weye u qurbanan rê pawenê. Qurbanan ra dıme heywanê ke destê ma de manenê, inan ra piya ma şonê ware.