Çalakî rê verê AVMê Kaliumî de ameyî têhet doman û keyeyê xo, uca ra heta Parka Şarî rayîr şiyî.
15 rojan de giranîya namazî û hîşmendîya îbadetî amebî dayene, peyê nê prosesê perwerdeyî de domanan, bi keyeyê xo yê pia serkewtişê perwerdeya xo keyfweşîya ci cwiya.
Program, wendîşê Qur'an-ı Kerîmî dest pê kerd. Domana û keyeyê xo yê ke Parka Şarî pûr kerdîbî, dima ra pêro pîya di rekatî namazê şükrî kerdî.
Dima ra grûbê îlahîyan ê domananvejîyayî sehne, bi ezgîyê xo reng kerd programî.
Program de namê platformî ra yew qisey kerdox Îmam Sait Tasalı, bi tesekurkerdişê Vakfê Sevdalîyanê Peêxamberî û Tevgerê Dawet û Ciwanan o ke ked da tede, dest pê kerd.
Qiseykerdişê xo de domanan rê vat, ayetê 17-20 yê Surê Ğaşiye ama xo vîrî û mîsalê nîzamê kayînatî dayî, wina va: 'Ma nê namazî kaman rê kenê, şima zanenê? Wa ma yew biewnîyê çorsûmê xo. Nê koyî kamî eşt tiya? Nê darî kamî kerdî kesk? Nê asmênî kamî boya kerd sîya/kewe? Kam destûr dano ke nê balafîrê ke tona giran ê, bifirê? O O Heq, seba ke ma nêleqîyê koyê pîlî nayî ro erdî. Asmên ra awê pakî ardî war û deryayê kelewî û çemî viraştî. O ra mîyanê marê ra nêzdî viyereno. Her tiçê ke viraşto zînd û bêzînd zwanê xo de Îbadetê ey kenê. Eca ma? Eke roştîya ma bi Heqê ma nêbo, beno ma? Seba nê Heqê min namazê 5 wextî farz kerdo; seba ke ma de bivînê 5 wextî tayîn kerdo.'
'Domanan ra pêro pîya peymannameyê namazî'
Qiseykerdişî dima domanan wedarıstî ser û bêsîbanê xo yê şehadetî berz kerdî, pêro pîya yew deng ra nê qalkî dayî: 'Ya Heq Ti şah bibe! Namaz stûnê dînî yo, ez ey nêşiknena! Namaz nurê çimê min ê, ez ey nêverdana! Namaz miratê muminî yo, ez ey nêqefilnena! Namaz kilîtê cenetî yo, ez ey nêVindena! Namaz şîfa dilî yo, ez ey nêverdana!'
Keyeyan rê Bang: 'Elemanê xo yê axiretî rê zî peyda bî'
Qiseykerdişê xo de dad û piyan rê zî veng da, Tasalı, rola keyeyî ya averşîyayîşê zihnî û manewî yê domanan de bale ant ser, va: 'Dadê ma yê qîymetinî; eke şima domananê xo rê pîrozkerdiş (kernîval) kenê, seba ke namaz musawe kerê, seba ke Qur'an ra viorê bikerê. Diyarîyanê tewr weşan eke seveka dînî de serkewtî bî, bigên. Piyê ma yê qîymetinî; sey ke şima domananê xo rê pers kenê 'Şima şi mekteb?', pers zî bikerê 'Şima namaz xo kerd?', 'Şima Qur'anê xo wend?', 'Şima şi cami?'. Sey ke şima dinya xo rê qîymet danê, ahiretê xo rê zî qîymet bidên. Domanê xo bigên û en tay yew rey hefte de berê cami.'
'Keyeyê ke tede Îslam qisey nêbeno, uca de domanê namazînî nêresenê'
Verrê xetereyanê dîjîtalî yê keyeyan de û yozbîyayîşî rê bale ant, Tasalı va: 'Ma telefon danê destê domanê xo û erşawenê odeya peyên; çîyê ke verê ey de vejyeno, se sevekeno ma qet nêvîrnayenê. Domanê ma Hz. Yûsufî, Hz. Mûsaî, Hz. Ömerî nêşınasnenê, la futbolbazan, artistanê fîlman, YouTuberan zaf weş şınasnenê. Domanê ma qehremananê raştênan ê Xezeyî; Ebû Ubeyde, Îsmaîl Heniyye, Yahya Sinvar nêşınasnenê la Spider-Man, Supermanî pêro xususîyetanê xo ra şınasnenê. Walîlahî seba nê halî zerrîya ma bîye qehwe. Seba riza Heqî keyeyan de Îslamî domananê xo rê bîqisey bikerê.'
Tasalı, peynîya qiseykerdişê xo de seba rehberê ciwanî û perwerdekarê ke bîfedakarî gurenayî, teşkûr kerd û qiseykerdişê xo qedîya.