Bi hezaran welatiyên ku berê xwe dan Mizgefta Mezin a Amedê (Ulu Cami) ya ku di cîhana Îslamê de wekî "5'emîn Herema Şerîf" tê naskirin, di roja duyemîn a Remezanê de ji bo nimêja înê di hundir û hewşa mizgeftê de sef girtin.
Welatiyên ku bi azana nîvro re hatin mizgeftê, bi tîlaweta Qur'ana Pîroz û duayan pêşvaziya bereketa Remezanê kirin. Gelek kesên ku di hundirê mizgeftê de cih ne dîtin, di hewş û derdora wê de sef girtin û nimêja xwe eda kirin.
Di nimêja înê de ya ku welatiyên ji her temenî eleqeyeke mezin nîşan dan, peyamên yekîtî û bihevrebûnê derketin pêş. Di xutbeya ku bal kişandin ser îklima rehm, mexfîret û bereketa meha Remezanê de, giringiya biratî û piştgiriyê hate destnîşankirin.
Mizgefta Mezin a Amedê ya ku bi fîşala xwe ya dîrokî û bi kevneşopiya xwe ya îlmî û îbadetê ya bi sedsalan tê naskirin, dê di tevahiya Remezanê de bi muqabele, terawîh û bernameyên olî yên cihêreng mazûvantiya cemaeta xwe bike.