Ajansa Nûçeyan a Farsê ragihand ku agirbest dest pê kiriye, lê hêna jî ti daxuyaniyek fermî ji teref aliyan ve nehatiye dayîn.
Ajansa Nûçeyan a Fars di nivîsa xwe de diyar kir ku "di êrîşa dawî ya Îranê de di nav sîyonîstan de gelek kuştî û birîndar hene" û agirbest di saet 07:30an de bi dema Tehranê dest pê kir.
Rejîma îşxalker a sîyonîst ragihand ku demek kurt piştî ragihandina agirbestê, ji Îranê êrîşeke nû ya mûşekî ber bi herêmên bakur ve hatiye kirin. Ji ber êrîşan li hinek herêman dengê sîrenan hat û hate ragihandin ku di operasyona mûşekî ya Îranê de kuştî û birîndar hene.
Serokê Emrîkayê Donald Trump doh êvarê ragihand ku rejîma îşxalker û Îran li ser agirbesteke "tevahî û bêkêmahî" li hev kirine, bi vî awayî şer bi dawî bûye.
Li gorî îddîaya agirbestê jî, daxuyaniyên hevbeş ên aliyan nîşan didin ku rageşiya li herêmê hêna bi tevahî bi dawî nebûye.
Wezîrê Karên Derve yê Îranê Erakçî agirbest ragihand
Wezîrê Karên Derve yê Îranê Ebas Erakçî diyar kir ku wan agirbest qebûl kiriye.
Eraqçi got, "Em agirbestê qebûl dikin. Ger îsraîl êrîş neke, em ê êrîş nekin. Ew ê ku şerê da destpêkirin îsraîl bû." (ÎLKHA)