Derheqê qezayê de ji teref Walîtîya Sêwasê ve daxuyanîyek hat belavkirin û hat îfadekirin ku qeza li navçeya Îmranliyê pêk hatîye, di qezayê de heta niha 4 kesan canê xwe ji dest dane, 33 kes jî birîndar bûne.
Di daxuyanîya ku ji teref Walîtîyê ve hatîye belavkirin de weha hat gotin:
“Di derdorê seat 17.00an de li alîyê Kuzkoya navçeya me ya Îmranliyê, otobûseke rêwîyan ku ji hêla Agirîyê ve dihat, ji ber ku şofêrê otobûsê hakimîyeta dîreksîyonê winda kir qeza pêk hatîye. Li ser xeberdayînê ji herêmê re gelek ekîbên tenduristî, îtfaîye, AFAD û cendermeyê hatin sewqkirin. Ekîbên ku hatin sewqkirin bi lez û bez gihîştin herêmê û dest bi xebatê kirin. Li gorî diyarîyên ewil ji 43 welatîyên me 4 ji wan canê xwe ji dest dane, 1 jî giran tev de 33 kes birîndar bûne. Mirovên birîndar ji nexweşxaneyên derdorê re hatin sewqkirin.”
Cenazeyên mirovên ku canê xwe ji dest dane ji morga Nexweşxaneya dewlet a Îmranliyê re hatine rakirin. (ÎLKHA)