Hat hînbûn ku dîmenên dawî yên Nîmet Kiliça (45) dayika du zarokan, a ku ji şeva borî ve li Çinarê wekî winda tê lêgerîn, di kamerayên ewlehiyê de hatine dîtin. Xebatên tîmên lêgerîn û rizgarkirinê yên der barê bûyerê de berdewam dikin.
Bûyer, li gundê Qubacixê yê girêdayî navçeya Çinara Diyarbekirê pêk hat. Li gorî agahiyên hatine bidestxistin, Nîmet Kiliça ku li gund dijî, duh serê sibê saet di 05.12’an de ji malê derketiye. Şêxmus Kiliç, gava serê sibê dît ku hevjîna wî ne li ser cihê xwe ye, ewilî agahî da cîranên xwe û piştre jî li Navenda Banga Lezgîn a 112’ê geriya.
Li ser îhbarê, tîmên AFAD, jandarma û tenduristiyê sewqî herêmê hatin kirin. Tîman ji bo dîtina jinê, li derdora gund û li herêmên avî xebateke berfireh a lêgerînê dan destpêkirin. Tîmên Lêgerîn û Rizgarkirina Binê Avê ya Jandarmeyan (SAK) û kûçikên kadavrayê jî piştgiriyê didin xebatan.