Medresanê Yewiya Aliman u Medresan (İTTİHADUL ULEMA) de, 47 talebanê ke tehsilê xo yê waranê sey fıqıh, siyer, aqaide u Erapki de qedênayo u 25 hafızan, be weşana fermananê îcazeti amey tacidarkerdış.
Merasimê îcazeti ke cayê Merkezê Pêroyi yê İTTİHADUL ULEMA yo ke qezaya centrala Diyarbekiri centralê Newêşehiri de ro, be wendışê Qur’anê Kerimi yê Hafız Ammar Zereni dest pêkerd.
Verfona silomdayışi ya Sereko Pêroyi yê İTTİHADUL ULEMA Molla Enver Kılıçaslani ra dıma, nameyê Yewiya Aliman u Medresan sero qıseykerdışê serba mana u ehemmiyetê roje Molla Beşir Varoli kerd.
Molla Beşir Varol
Molla Beşir ke be salat u selamê serba Pêğamberi dest bi qıseykerdışê xo kerd, va ke: 'Alimê ma yê erjayey u wayirê fazileti, hocayê ma yê bahaori, veliyê ma yê bınome, herg un hayr u hîsan, talebê giranbahayê ilmanê İslami u meymanê ma yê hurmetli; selam, rehmet u bereketê Allahi sero şımane bo. Ewro na roza muberake de, bınê sîya ilmanê Qur’ani de ameyışê yewca ra ma zaf şa bîme. Mecliso ke tede ayetê Rehmani be semimiyet u iman yenê wendış, barberdoğê ilmi u talebê edebıni amey rûmetkerdış de caşewtış nê çi qas nîmetêdo pîro. Allaho ke ma be na fazileta pîle xelat kerd, ma serba xizmetkerdışê dînê ey, pênûsa ey ke hetta qiyamet mucize manena u sunetê Pêğamberê ey o emniyetın serfıraz kerd ra hamd bo.'
'Zındemendışê ilmi; sedemê izzet, yewiti u fına hşyarbîyayışê ummeti yo'
Molla Beşir, ilmi sey nûrêdo îlahî yo ke tarîtîya cehaleti belav keno, merdımi resaneno rastiye u hîkmete pênase kerd u nê vatışi kerdî kar: 'O, mîrasê pêğamberan, xemlê ummetan u sedemê berzbîyayışê mîyanê merdıman o. Halê merdıman be ey rast beno, ğayreti be ey berz benê.
Molla Beşir ke faziletê ilmi deryayê ayet u hadisan de ard zıwan, weziyetê musenayoğan (mualiman) zi be nê vateyan ard zıwan:
'Ma, barberdoğî u pawıtışê nê mîrasê pîli sey mesuliyetêdo dînî u emanetêdo tarîhî vênenîme. Mualimtîye tenya pîşeyêdo ke pê qezenc beno nîya; a, wezifeyê pêğamberan, mîsyonê islahkerdoğan u hunerê weydakerdışê nesli ya. Çıke Pêğamberê ma Sallallahu Aleyhivesellem vato ke: «Allahi ez sey zorvakerdoğ u sıqıntıderoğ nê; sey musenayoğ u asankerdosh şirawîyan.» Mualim; îman erzeno ro, exlaq de weş keno, aqıli heşyar keno u bınayan ra ver merdımi vırazeno. Alimanê selefi mualiman rê hurmetêdo pîl musnayêne. Îmam Burhaneddîn ez-Zernûcî vato ke: «Bizane ke talebeyê ilmi, heta ke hurmet nêmusno ilm u ehlê ey rê, bitaybetî hocayê xo rê, nêreseno ilm u ey ra fîde nêvêneno.» Lema ma xebitîyenîme ke ilmanê Qur’anî u sunetê Pêğamberê ma yê Efendi vıla bikerîme, zerrîya qîz u lajanê ma de exlaqo rınd roneymê, neslan bestîbkerîme mîrasê ilmiyê rosnê ummetê ma. Çıke ma bawer kenîme ke; weşmenda medreseyanê şer‘î u dezgeyanê ilmi, manaya dewamîya hidayet u rastiye ya. Zındemendışê ilmi zi sedemê izzet, yewiti u fına hşyarbîyayışê ummeti yo.'
'Raya ilmi; her çı qas pîrê zoriyan bo zi, raya bereket, berzi u izzeti ya'
Molla Beşir ke nîjadê talebanê ke do îcazetê xo bıgêrê rê zi qısey kerd, va ke: 'Şımane, omîdê ewroyê ummeti u neslê ke do barê ameyoxî bar bıkirê yî. Serba ilmi xortîya xo de sabr u ğayretê ke şımane musnayî, şew u roj xebitîyayışê şımane şerefedo pîr o u şayanê pesnayışı yo. Zafê merdıman sîs u nîmetanê dınya yê fanîyan de mijûl benê, la şımane raya Qur’anî u nûrê ilmi çasna. Billahi no, nîmetanê tewr pîlan ra yew o. Bizanê ke raya ilmi; her çı qas pîrê zoriyan bo zi, raya bereket, berzi u izzeti ya. Kam ke serba Allahi be semimiyet ilm bıwazo, Allah nameyê ey berz keno, emr u emelê ey rê bereket dano, zerrîya merdıman de ey rê hezkertış u qebulbîyayış nesîb keno.
Molla Beşir va ke: "Ewro îcazeto ke şımane gırewt, peyniya raya şımane nîyo, tam bınê cı de destpêkêdo zor u pîrê mesuliyetan o. No îcazet; vatenêdo pesnayışi ra ver, emanetêdo ke do bêro hergıtış u mesuliyetêdo ke do bêro caardış o. Çıke ilm; be zaf ezberkerdışî nê, be emelê semimîyî, be rınd musnayışî u be pakkerdışê nîyetê serba Allahi qîmet gêno."
Dıma qıseykerdışê Varoli, alimê ke medresanê dormeyi ra ameybî zi yew bi yew qıseykerdışê silomdayışi kerdî.
Dıma qıseykerdışan, guretoğê îcazeti be salavatan kewtî zerrê hewşi (meydani). Duaya îcazeti Hetkarê Sereko Pêroyi yê İTTİHADUL ULEMA Molla Abdurrahman Özekinci wende. Alimê ke amey vejîyayışê sehneyi, fermanê (belgeya) îcazeti teslimê taleban kerdî.
Merasimê îcazeti be vılabîyayışê xwarıni (nanıti) qedîya.