Ekîbanê Şubeyê Kontrolê Trafîkî yê Mudirîya Emnîyetê Şerî, bi rayîrê Sîstemê Îdareyê Asayîşê Şerî (KGYS) tesbit kerd ke zaf şoforan qeydeyanê trafîkî binpay kerdê.
Xebatanê ke bi kamerayanê entegrebîyayeyê KGYS-yî ameyî kerdene de; şoforanê ke nêzdîyê çarçerxan (kavşakan) de bi şaş-beş şerît vırnayêne, yanê 'qaynaq' kerdêne, înan rê cezaya trafîkî ameye bırnaye. Reyna şoforanê ke raya tarse (ters) de erebe ramitêne, asayîşê trafîkî fînabî rîsk, 'makas' eştêne, qeydeyanê waronayîş û tede-kerdişê musafîran binpay kerdêne û şoforanê motisîkletan ê ke raya peyayan de motor ramitêne, înan rê zî ceza nust.