Serokê Emrîkayê Donald Trump, li ser hîsaba xwe ya Truth Socialê daxuyanîyek da, di daxuyanîya xwe de ji gotinên Serokê berê yê Dewleta Rûsyayê Dmitriy Medvedev re bertek nîşan da.
Trump, di daxuyanîya xwe de weha got, “Min li ser daxuyanîyên kişker ên Serokê berê yê Dewleta Rûsyayê Dmitriy Medvedev ku Alîkarê Serokê Konseya Ewlehîya Federasyona Rûsyayê ye, emir da ku bila ji herêmên munasîb re du binavên nukleerî bişînin.”
Trump destnîşan kir ku gotinên derheqê meseleya nukleerî de têne gotin gelek muhîm in, “Van gotinan muhîm in pirî caran dibe ku encamên em naxwazin derxîne holê. Ez wisa hêvî dikim ku ev rewş ji wan rewşan yek nebe.”
Medvedev, di daxuyanîya ku da de ji Trumpê re bertek nîşan da, û destnîşan kir ku polîtîkayên Washingtonê wek “Di navbera Rûsya û Emrîkayê de rîska derxistina pevçûnê derdixe” û gotibû, “50 roj an jî 10 roj… Divê Trump du tiştan bîrva neke: 1. Rûsya, ne Îran an jî îsraîl e. 2. Her ultîmatomekî nû gavekî ku tehdîd tê kirin an jî ji herbê re hatîye avêtin e. Ev jî di navbera Rûsya û Ukraynayê de nîne, ev di navbera welatê wî û Rûsyayê de ye.” (ÎLKHA)