HAMAS diyar kir ku serokwezîrê rejîma sîyonîst Benyamin Netanyahu li hember serbestberdana êsîrên li Xezeyê astengî çêdike û bi zanebûn li pêşiya peymana danûstandina berfireh astengiyan diafirîne.
Di daxuyaniyekê de, tevgerê got ku daxuyaniya Netanyahu ji malbatên êsîran re ku digot "peymanek berfireh ne mimkun e" careke din niyet û polîtîkayên wî yên xerab ên ku armanc dikin berdewamiya êrîşan eşkere kir.
Hamasê bi bîr xist ku pêşniyara wan a berê ya guhertina berfireh a girtiyan, rawestandina tevahî ya êrîşên li ser Xezzeyê, vekişîna artêşa îşxalker û hatina bê asteng a alîkariya mirovî li hember berdana yekcarî ya hemû êsîran pêşbînî dikir. Lêbelê, hate gotin ku Netanyahu ev pêşniyara avaker red kir û berdewam dike ku astengiyên nû çêbike.
Daxuyanîyê wiha domand: "Wekî tevger, em pêvajoyek danûstandinê ya erênî û berpirsiyar dimeşînin da ku êrîşan bi dawî bikin, hêzên îşxalker vekişînin û alîkariyan bi awayekî belaş peyda bikin. Di vê çarçoveyê de, danûstandina girtiyan a hevbeş jî li ser maseyê ye heta ku gelê me jiyanek bi rûmet bijî û pêvajoya ji nû ve avakirinê dest pê bike." (ÎLKHA)