Wezareta Tenduristiyê ya Xezzeyê daxuyaniyek nivîskî weşand û amarên herî dawî yên derbarê qurbaniyên êrîşan de parve kir.
Di daxuyaniyê de hat gotin ku pênc Filistîniyên ku di 48 saetên dawî de ji bin kavilan hatine derxistin mirine û 15 jî birîndar bûne.
Ji 10ê Cotmeha 2025an vir ve, ji ber êrîşên rejîma siyonîst, li Xezzeyê agirbest dest pê kir û heta niha 850 kes şehîd bûne, 2 hezar û 433 kes birîndar bûne û termê 770 kesan ji bin kavilan hatine derxistin.
Wezareta Tenduristiyê her wiha ragihand ku, li gorî daneyên ku ji destpêka Nîsanê ve ji hêla Saziya Tiba Edlî ve hatine temamkirin û pejirandin, hejmara giştî ya şehîdan 103 zêde bûye.
Bi vî awayî, hejmara giştî ya şehîdan di êrîşên rejîma sîyonîst li ser Xezzeyê de ji Cotmeha 2023an vir ve gihîştiye 72 hezar û 736 kesan û hejmara birîndaran jî gihîştiye 172 hezar û 535 kesan.
Li gorî agahiyan, hêna jî bi hezaran cenaze li Şerîda Xezzeyê di bin xirbeyên avahiyên xirabe de ne. (ÎLKHA)