Wezareta Tenduristiyê ya Xezzeyê ragihand ku di 24 saetên dawî de di encama êrîşên rejîma sîyonîst li ser Xezzeyê de 19 Filistînî şehîd bûne û 35 jî birîndar bûne.
Li gorî daxuyaniya wezaretê, hejmara şehîdên di êrîşên ku ji 7ê Cotmeha 2023an vir ve berdewam dikin de gihîştiye 73.375an û hejmara birîndaran jî gihîştiye 174.220an.
Di daxuyaniyê de hat destnîşankirin ku digel peymana agirbestê ku di 10ê Cotmeha 2025an de ket meriyetê jî, êrîş berdewam kirine û ji wê rojê vir ve 1250 Filistînî şehîd bûne, 4110 birîndar bûne û cenazeyên 804 kesan ji bin xirbeyan hatine derxistin.
Wezareta Tenduristiyê ya Xezzeyê diyar kir ku gelek kes hêna jî di bin kavilan de û li ser rêyan de ne û ekîbên tenduristiyê û parastina sivîl ji ber êrîşên hêzên îşxalker nikarin bigihîjin gelek deveran. (ÎLKHA)