Di daxuyaniya HAMASê ya der barê mijarê da bal kişand ser qehremaniya gelê Filistînê û berxwedana wan a di Operasyona Tofana Eqsayê da hat destnîşankirin ku ji bo berterefkirina êrîşên siyonîst di çarçoveya şêwirmendî û xebatên hevpar da hatin kirin.
Di daxuyaniyê de hat diyarkirin ku di hevdîtinan de geşedanên siyasî û leşkerî û xebatên ji bo bidawîkirina êrîşên artêşa îşxalker ên li ser Xezzeyê hatine kirin hatin nirxandin û hat destnîşankirin ku rêberên Filistînî yên beşdarî hevdîtinê bûne li ser fikrên ku bi wan re hatine gotûbêjkirin rawestiyan.
Di daxuyaniyê de beşdarên hevdîtinan diyar kirin ku armanca berxwedana Filistînê ji her pêşniyarekê sekinandina êrîşên artêşa îşxalker a li dijî gelê Filistînê û bi taybet niştecihên şerîda Xezzeyê ye; Hat destnîşankirin ku wan tekezî li ser wê yekê kirin ku armanca wan ew e ku rêjîma dagîrker ji Şerîda Xezzeyê vekişe, gihandina alîkariyên mirovî bo niştecihên Şerîda Xezzeyê, jinûve avakirina Şerîda Xezzyê û pevguhertina girtiyan bi awayekî adilane ye. (ÎLKHA)