Mebusê HÜDA PARî Faruk Dinç, heyetê xo de pîya çarçoveya zîyaretê qezayî de Camiya Girebe ya tarîxîye de cigêrayîşî kerdî. Dinçî bal ant mîyanê camiye de problemanê awabîyayîşî ser û vat ke bi taybetî awe sîzîyayîşê banî (çatî) ganî bi leze bêro kerdene.
“Restorasyon bi labelê problemî dewam kenê”
Dinçî tarîxê camiye ard vîr û îfade kerd ke her çend restorasyon ameyo kerdene zî, nê problemê ke vejîyayê werte qebul nêbenê.
Dinçî wina vat: "Ma nika qezaya ma Qocakoy de, Camiya Girebe ya tarîxîye de yê. Vajîyeno ke na camiye dewrê Hz. Ömerî de ameya viraştene. Zaf tarîxîye û xirandeka. Labelê na camiye de nêzdîyê 10 serrî verê cê restorasyonê de bi herçê de gure ameyo kerdene. Her çend restorasyon biyo zî, nika mîyanê camiye û oda îmamî ra awe sîzîyena, ser ra awe vana.
Eşkera yo ke bi nê halî camiye heba bena. Ma vînenî ke o restorasyonê ke ameyo kerdene zî zaye biyo. Ma nîti ra rayedaran rê veng danî: Na camiye kamî viraşta, sînorê aye çi yo, na awe çira sîzîyena û nê problemî senî yenê safîkerdene? Ganî nê heme babatî bi hûrdîyî bêrê destpêkerdene û na mesele yew deqe verê bêra çareserkerdene."
“Pawitişê camiya ke wayîrê qîmetê tarîxî û kulturî ya, zaf muhîm o”
Dinçî bal ant muhîmîya pawitişê camiya ke qîmetê aye yê tarîxîyî berz o ser û wina vat: "Nika her çend varan nêvareno û hewa germ o zî awe sîzîyena; eke varan bîvaro rewşe do senî bibe, şima texmîn bikerê. Na camiye zaf muhîma, zaf biqîmeta û eserê de tarîxîyo. Ganî nê problemê restorasyoni bi leze bêrê çareserkerdene. Însallah ma zî do dima nê karî de bî."
Dinçî wina zî ser de kerd: "Ganî prosesê restorasyoni û metodê ke ameyî kerdene bi hûrdîyî bêrê vekolitene. Pawitişê qîmetê tarîxî û kulturî yê camiye ganî her çî ra ver bêro."