Di daxuyanîya ku ji teref Serokatîya Karên Hiqûq û Mafên Însan ê HUDA PARê ve hat belavkirin de weha hat gotin, “Ev li dijî gelê me yê Misilman heqaretekî giran e.” Parlamenterê Êlihê yê HUDA PARê Serkan Ramanli û Berdevkê Partîyê Yunus Emîroglu jî ji ev alçaxîyê re bertek nîşan dan.
“Parêzêrên me dê pêvajoya hiqûqê bişopînin”
Serokatîya Karên Hiqûq û Mafên Însan ê HUDA PARê di daxuyanîya xwe de weha got, “Em heqareta Kovara Lemanê ku dixwaze bibe wek Charlie Hebdoyê, ku karîkatûrên Pêxemberê me Hezretî Muhammed û Hezretî Mûsa xêz kirîye lenet dikin. Ev sûcekî zelal a nefretê ye! Ev ji gelê me yên Misilman re heqaretekî giran e! Ev bûyera menfûr pêşnîyaza qanûnê ya HUDA PARê ku derheqê cezakirina heqaretên li djiî nirxan daye derxistîye holê ku çiqas muhîm e. Em ê ji bona ku ev fiîla alçaxî were cezakirin pêvajoyê wê bi tîtîzî bişopînin.”
“Heqaretkirina ji nirxên me yên dînî û menewî re heqê tu kesî nîne û ne heddê wan e jî!”
Parlamenterê Êlihê yê HUDA PARê Serkan Ramanli jî weha got, “Ez weşana heqaret a Kovara Lemanê ku dixwaze wek Charlie Hebdoyê bibe û heqaret li Pêxemberê me Hezretî Muhammed û Hezretî Mûsa kirîye lenet dikim. Ev êrîşên ku di nav de nefret hene, tenê xwedîbawermendan hedef nagre, hizûra civakê jî hedef digre. Divê hiqûq bersiva ku heqê wî ye bi lez û bez bide. Heqaretkirina ji nirxên me yên dînî û menewî heqê tu kesî nîne û ne heddê wan e jî!”
“Em ê vê kustexîyê tu dem bîrva nekin!”
Berdevkê Partîyê Yunus Emîroglu jî pêşnîyaza qanûnê ku partîya wî hefta borî pêşnîyarê Meclîsê kiribû ku digotin bila yên ku heqaretê nirxên dînî dikin bêne cezakirin bibîrxist û got, “Kustaxîya Lemanê, carekî dinê nîşan daye û derxistîye holê ku pêşnîyaza qanûnê ya HUDA PARê çiqas muhîm e! Heqaretkirina ji Resûlê Ekrem re ne azadî ye! Em ê tu dem vê kustexîyê bîrva nekir! Divê tu kes ji vê alçaxîyê re bêdeng nemîne.” (ÎLKHA)