Aslan, ku bi şandeyeke ji Şaxa Jinan a Parêzgeha Stenbolê ya partiya xwe re li Qesra Astengdaran a Bagcilarê bi kesên astengdar re hat cem hev, pêşangeha ku ji berhemên hunerî yên kesên astengdar pêk tê ziyaret kir.
Aslan, derbarê serdanê de daxuyaniyek nivîskî da, got, "Wekî HUDA PAR, me bi minasebeta Hefteya Astengdaran a 10-16ê Gulanê bi Seroka Şaxa Jinan a Parêzgeha Stenbolê Zeynep Sariagac û ekîba wê re ji Qesra Astengdaran a Şaredariya Bagcilarê re serdanek watedar kir. Em ji xebata dijwar, sebir û biryardariya xwişk û birayên xwe yên astengdar re matmayî man. Hawîrdorek ku bi rastî cudakariyê ji holê radike û her kes xwe wekî aîdî xwe hîs dike hatiye afirandin. Em dixwazin ji hemû kesên ku beşdarî vê saziya hêja bûne û hemû karmendan re ji bo mêvanperweriya wan spas bikin." (ÎLKHA)