Serokê Giştî yê HUDA PARê Zekerîya Yapicioglu bi tevî Wekîlê Entabê Şahzade Demîr û Wekîlê Mêrsînê Faruk Dînç li meqamê Serokê Meclisa Mezin a Tirkiyeyê Numan Kurtulmuş ziyaret kirin.
Derbarê qebûlkirina ku li ser hesabên medyaya civakî yên Meclîsa Mezin a Neteweyî ya Tirkiyeyê hatiye ragihandin de ev hat weşandin:
"Serokê me yê TBMMê Numan Kurtulmuş, Serokê Giştî yê HUDA PARê Zekerîya Yapicioglu û Wekîlê Entabê Şahzade Demîr û Wekîlê Mêrsînê Faruk Dînç ku pê re bûn qebûl kir."
Serokê Giştî yê HUDA PARê Zekerîya Yapicioglu, li ser hesabê xwe yê medyaya civakî derbarê serdanê de parvekirinek kir û got, "Me Serokê Meclisa Mezin a Tirkiyeyê, Birêz Numan Kurtulmuş, li ofîsa wî ziyaret kir. Me derbarê Komîsyona ku dê li Meclisê were damezrandin de agahî girt û ramanên xwe ji me re anîn ziman. Em ê bi dilgermî her cure tevkariyê ji bo avakirina biratiyê pêşkêş bikin. Ez ji Serokê Meclisa xwe re ji bo pêşwaziya wî ya xweş spas dikim." (ÎLKHA)