Hat destnîşankirin ku leşkerên sîyonîstên îşxalkeran doh li Beytullahîma Şerîaya Rojavayê avêtin ser malên êsîrên ku serbestberdane û Filistînîyekî jî bi guleyên rastîn birîndar kirin.
Li gorî xebera ajansa nûçeya Filistîn WAFAyê, leşkerên sîyonîst, avêtin ser Kampa Penaberan ed-Diheyşeya başûrê Beytullahîmê.
Doh mala êsîrên Filistînî Nîdal Ebû Akr, Rabî Îbrahîm Rabî û Sabîr Muhammed Musalîme ku hatibûn serbestberdan dûçarê êrîşê sîyonîstan bû û şênîyên malê jî bi gotinên “xwepêşandanên kêfê nekin û necivin” tehdîd kirin.
Berîya ku ji nav malan derkevin li derdorê gule reşandin û di encamê de kesekî birîndar bû. Filistînîyê birîndar ji nexweşxaneyê re hat rakirin. (ÎLKHA)