Ji ber şert û mercên nebaş ên hewayê yên li seranserê Tirkiyeyê dewam dike, sibe li 19 bajaran dibistan wê girtî bimînin. Hat ragihandin ku dê di 2yê Çileyê roja Înê de li Sêrt, Tokat, Êlih, Bartin, Sêwas, Agirî, Zonguldak, Çorum, Mereş, Entab, Yozgat, Dûzce, Amasya, Meletî, Bolû, Qers, Colemêrg, Şirnex û Xarpêtê ders bên sekinandin.
Rayedaran ji welatiyan xwestin ku ji ber talûkeya qeşa û cemedê, heya ku bi tevahî ne hewce be, ji ajotinê dûr bisekinin, guh bidin hişyariyan û daxuyaniyên fermî bişopînin. (ÎLKHA)