HAMAS di daxuyaniya par ve kir de bangî kesên “xwedî wijdan” kir û got ku divê li ber êrîşên li ser Xezzeyê çalakiyên girseyî bên kirin.
Di daxuyaniya ku dihat gotin bila 3 rojan xwepêşan bên kirin de wiha hat gotin, “Em temamê gelên azad ên ku xwedî wijdanên zindî ne dewet dikin ku bila li bajarên dinyaynê û paytextan meş û xwepêşanên girseyî zêde bikin.”
Di berdewana daxuyaniyê de wisa hat gotin:
“Bi awayekî çalak beşdarî meşên hêrsê yên li ber balyozxaneyên îşxalker ên îsraîl û Emerîqe û her weha balyozxaneyên welatên ku piştgiriyê didin dagirkeriyê bibin; ji bo eşkerekirina sûcên qirkirin û birçîbûnê û parastina mafên gelê me yên azadî û serxwebûnê. Amûrên zexta girseyî, xwendekar, sendîka û parlemanî çalak bikin da ku koçberkirina bi darê zorê û qirkirinê li Xezzeyê rawestînin û daxwaza vekirina derbasgehan bikin. Hemû rêbazan seferber bikin da ku piştgiriyê bidin Floya Berxwedana Cîhanî ya ku ber bi Xezzeyê ve diçe, rola wê ya mirovî nas bikin û ewlehiya fîloyê misoger bikin; û heke ew dagirkeriyê hedef bigire, hişyariyek bidin. Bila rojên pêş de bibin serdema zêdebûna domdar a çalakiyên cîhanî li dijî êrîşên dagirker ên Îsraîlê û dengek bihêz ji çar aliyên cîhanê li dijî kuştin, bombebaran, qirkirin, birçîbûnê û koçberkirina bi darê zorê bilind bibe.