Berhevkirina zebeşa Dîyarbekirê, ku bi tam û bêhna xwe navdar e, berdewam dike. Zebeşên ku bi keda karkeran têne berhevkirin, ji çar aliyên Tirkiyeyê re têne şandin.
Zebeşên ku hem di bin nixumandinê de û hem jî bi rêbazên kevneşopî têne çandin, di germahiyên ji 40 pileyan derbas dibin de ji bîstanan têne berhevkirin. Karkerên ku ji bo qezenckirina rojane di navbera 2,500 û 3,000 TL de bi zehmet dixebitin, zehmetiyên ku ew dikişînin û şert û mercên xebata xwe vegotin.
Karkerên Sûrî yên ku ji bo çinîna zebeşan li navçeya me ya Çinarê tên, ji bo qezenckirina mûçeyên xwe yên rojane, li zeviyan xwêdanê dirjînin.
Ehmed Dahar
Ehmed Dahar, diyar kir ku ew bi rêbaza qubalê dixebitin, got, "Ez ji Heleb, Sûriyeyê me. Em di saet 04:00 de şiyar dibin. Em di dora saet 04:30 de dest bi karê zeviyan dikin. Em di navbera saet 19:00-20:00 êvarê de bêhnvedanekê digirin û diçin malê. Em rojane bi qasî 4 heta 6 qamyon an treyleran bar dikin. Em bi rêbaza qubalê dixebitin. Dahata me ya rojane di navbera 2,500 û 3,000 TL de diguhere. Em qamyonekê bi 7,000 TL û tirekê jî bi 9,000 TL tijî dikin. Ez bi 10 hevalên xwe re dixebitim. Ez ji Edeneyê hatim, hefteyek e li vir im. Ez ê mehekê li vir bixebitim."
Salih Silo
"Em rojê 6 kqamyonan zebeş bi 10 kesan bar dikin"
Karkerekî din, Salih Silo, diyar kir ku beşa herî dijwar a kar zû şiyarbûne û got:
"Em di navbera saet 04:00 û 04:30an de dest bi kar dikin. Dema ku em westiyan, em diçin malê. Em tevahiya rojê li zeviyê derbas dikin. Li gorî mîqdara zebeşên di zeviyê de, em rojane 4 heta 6 qamyon an treyleran tijî dikin. Carinan dibe ku em rojane mûçe negirin. Wekî 10 kesan, em dikarin rojê herî zêde 6 qamyonan bar bikin. Beşa herî dijwar a kar şiyarbûna serê sibê ye. Em di nav rojê de demek dirêj di bin tavê de li bendê dimînin."
Akif Can
Germ pir li sere me dixe"
Akif Can, ku diyar kir ku di vî karî de tiştê herî dijwar ji bo wî hewaya pir germ e, wiha got:
"Em tên vir û zebeşan bar dikin. Em xwarina xwe dora saet 11:00 dixwin. Di vî karî de tiştê herî dijwar ji bo min hewaya pir germ e. Pir germ em û karekî pir dijwar dikin. Her zebeşek 9-10 kîlo giran e û em wê ji erdê diavêjin hevalê xwe yê di qamyonê de. Di roja bere de, hevalekî me ji ber germê nexweş ket û ew birin nexweşxaneyê."