"Di daxuyaniya ku ji aliyê Walîtiya Amedê ve hat dayîn de wiha hat gotin:
'Di dîroka 24ê Sibata 2026an de, li derketina gundê Çınarameheliya (Çınarköy) ya navçeya Çinara Amedê, di encama lihevqelibîna du wesayîtan a serî bi serî de qezayeke trafîkê ya elim (bi êş) pêk hatiye. Di qezayê de ligel şofêrên wesayîtan bi giştî 5 welatiyên me jiyana xwe ji dest dane û 2 welatiyên me jî birîndar bûne.
Dermankirina welatiyên me yên birîndar li nexweşxaneyê berdewam dike. Piştî qezayê tîmên tenduristiyê, cendirme û tîmên têkildar sewqî cihê bûyerê hatine kirin û xebatên lêkolînê bi lez hatine destpêkirin; derbarê bûyerê de lêpirsîn berdewam dike. Em ji bo welatiyên xwe yên ku jiyana xwe ji dest dane ji Xwedê rehmê, ji malbat û xizmên wan re sersaxiyê; ji bo birîndarên xwe jî şifaya xêrê dixwazin.'"