Komeleya Karwanê Umudî ya Êlihî ya ke mabênê xêrxazan û hewcedaran de pird o, yardimanê ke nêşê Remezanî de kerdî bi seyan keyeyan rê bi umud. Çiqas hetkarîya xêrxazan zêde biba, komele kî hedef kena ke biresîyo hîna zaf feqîran.
Serekkarê Komeleya Karwanê Umudî ya Êlihî Molla Salih Gültekinî, derheqê fealîyetanê yardîmî yê aşma Remezanî de eşkerayîyê dayî.
"Ma 250 keyeyan rê kîwaye, 300 keyeyan rê şekirê eyde û 500 keyeyan rê kî yardîmê pereyî resna."
Gültekinî da zanayene ke peynîya aşma Remezanî de resayê xeylê hewcedaran û va: "Ma sey Karwanê Umudî yê Êlihî, peynîya nê aşma Remezanî de; 250 keyeyanê xo rê yardîmê kîwaye, 300 keyeyanê xo rê şekirê eyde û 500 keyeyanê xo rê kî yardîmê pereyî kerd. Nê xizmet û yardîmê ma serra temame dewam kenê. Înşallah xêrxazê ma çiqas ma de bê tekas û hetkarîya xo dewam bikerê, ma kî do hîna zaf feqîr û hewcedaran rê biresê."
"Fitre û zekatanê xo ma rê biresnê"
Gültekinî rojano peyênanê Remezanî de xêrxazan rê veng da û va: "Nê rojano peyênanê Remezanî de, xisûsî şarê ma û birayano ma yê mısılmanan ra yew îstîrhamê ma esto: Fitre û zekatanê xo ma rê biresnê. Ma kî nê yardîman zafêrê zûtî de biresnê hewcedaranê ke ma tespit kerdê. Ma sey Karwanê Umudî yê Êlihî, mabênê muhtacan û xêrxazan de pird o. Înşallah ma çiqasê destê ma ra bêro, hîna zaf merdiman rê resayene rê xebitînê."
"Yardimanê xo serê IBANî ra yan zî bi xo bîyarê ma"
Gültekinî metodanê yardîmî ser o zî viraşt û va: "Ma nê mesele de hetkarîya şarê xo û birayano ma yê mısılmanan pawenê. Xisûsî nê rojano peyênanê Remezanî de, fitreyanê xo vîr mekerê. Yardimanê xo serê IBANî ra bışawê yan zî bi xo bîyarê teslîm bikerê. Ma vekaletê şıma gênê, amonatanê şıma kî amade yê ke biresnê hewcedaran û ma jadenê nê gureyî dewam kenê."
"Rabbê mi xêrxazanê ma ra razî bo"
Gültekinî xêrxazan rê dua kerd û qiseyanê xo wina qedîna:
"Rabbê mi birayano ma yê xêrxazan û şarê ma ra razî bo; seba yardimanê ke kerdî, Allah-u Teala zerrîya (gonîya) înan şa bıkero. Ma tîya zerrîya hewcedaran şa kenî û înan bi şahî (kêfweşî) rusnenî, Rabbê mi kî na şahîye nesîbê birayano ma yê xêrxazan bıkero. Yardimanê ke kerdî, vera qeza û belayan bıkero kalkan (siper). Rabbê mi xêrê înan qebul bıkero."