Kesê ku li Diyarbekirê wekî windahî dihat gerîn, li Şilbê mirî hat dîtin
Bûyer, di saetên êvarê de li Taxa Şılbêyê ya ser bi navçeya Yenîşehîra Diyarbekirê ve pêk hat. Merivên Hasan Kuday ê ku ji saetên nîvro yên doh ve agahî ji wî nedihatin girtin, rewş ragihandin Navenda Banga Lezgîn a 112an û îxbara windahiyê kirin.
Di dema xebatên lêgerînê de Kuday, li Taxa Şılbêyê di xilteya (kend) biniya konutên komî yên li Kolana 5an de bêgerek (bêhareket) hat dîtin.
Tîmên AFADê ji cihê ku lê bû derxistin
Li ser daxwaza tîmên tenduristiyê, 7 personelên lêgerîn û rizgarkirinê û 2 wesayîtên lêgerîn û rizgarkirinê yên ser bi Rêveberiya Parêzgehê ya AFADê ve bo herêmê hatin veguhastin. Bi xebata ku ji aliyê tîman ve hat kirin, Hasan Kuday ji cihê ku lê bû hat derxistin û hat tespîtkirin ku jiyana xwe winda kiriye.
Piştî lêkolîna ku li cihê bûyerê hat kirin, cenazeyê Kuday bi mebesta tespîtkirina sedema teqez a mirina wî hat birin morga Saziya Tibê ya Edlî. Ji bo diyarboyna çêbûna bûyerê, ji aliyê tîman ve lêpirsîneke berfireh hat destpêkirin.