Mubarekia ke hetê Walitîya Mêrdînî û Mudirîya Sîvîl û Turîzmî ya Sûke ra Muzeyê Mêrdînî de ameye viraştiş de, rûmetê nîmetanê herêmî yê dînî (kadîmî) ameyî nasnayîş.
Mubarekia de, Sûregê Walîyê Mêrdînî Hasan Kurt, Mudirê Sîvîl û Turîzmî yê Sûke Vural Güngör û kesê elaqadarî ameyî pêser.
Bername de, nîmetê ke bi teknikê pîşandorîya destan û rituelanê cîya-cîyan amade bîyî, pêşkêşê mîhmanan bîyî.
Sûregê Walîyê Mêrdînî Hasan Kurtî ke naca de eşkerayîye da, va ke ê wazenê nîmetê metbaxê Tırkan ke çar teknîkanê pîşandorî yê cîya-cîyan ra u çarçoveya mîrasê nê serrî de amade bîyê, mîhmanan û Mêrdînî rê bidî nasnayîş.
Kurtî va: "Ewro Hefteya Metbaxê Tırkan ke Mêrdîn de û bi temamîya Tırkiya de fîncê de (reyda 5.) virazîyena, bi keyfweşîya û binê banê xanima Serekcumhurê ma Emine Erdoğane de, hetê Wezareta ma ra yena fîrazkerdene. Ma zî waşt ke nê hefteyî de, nîmetê zengînî yê metbaxê Mêrdînî û nê nîmetê ke çarçoveya mîrasê nê serrî de bi çar teknîkanê pîşandorî yê cîya-cîyan amade bîyê, mîhmananê xo û Mêrdînî rê bidî nasnayîş. Bi xêra Hefteya Metbaxê Tırkan, ma sevevê konseptê nê serrî de bi çar teknîkanê cîya-cîyan û çar cayan de, lîsteyê nîmetanê metbaxê Mêrdînî amade kerdî. Ez temenni kerna ke na Hefteya Metbaxê Tırkan semedê dînayê Tırkan û Mêrdînê ma bibe wesîleyê xêr û bereketi. Kesê ke nê karî de keda înan gureta, ez înan rê zî spas kerna."
Mudirê Sîvîl û Turîzmî yê Sûke Vural Güngörî zî nê vatî: "Hefteya Metbaxê Tırkan ke nê serrî fîncê de (reyda 5.) virazîyena de, nê erdanê dînî (kadîmî) de ma zengînîya kulturî ya naca nîşan danî. Reyna çarçoveya konseptê ke Wezareta ma amade kerda de, ma bi temayê ‘Sofreyêk de Mîras’ Hefteya Metbaxê Tırkan fîraz kenî. Ma semedê nêyî naca de yî ke teknîkanê pîşandorî yê cîya-cîyan û armancanê şoxulnayîşî yê cîya-cîyan bi her rayê medyayê sosyali û danyenê-nasnayîşî, mîhmananê xo rê bidî nasnayîş. Memleketê ma de ke wayîrê mîrasêko kulturî û kulturêko zengîn ê nîmetan o, zefer nîmetê ma yê cîya-cîyayi estê; labelê ma nê serrî sey konsept, çar teknîkanê cîya-cîyan bi şıkılê ‘Sofreyêk de Mîras’, pîro pîya bi mîyanbîyayîş û qat-qat bîyayîşê kulturan, bi menüyêko ke harmoniya nîmetan viraşto, mîhmananê xo rê resnenî."
Sûregê Walîyê Mêrdînî Hasan Kurt û Mudirê Sîvîl û Turîzmî yê Sûke Vural Güngör, heqê nîmetan de şefan (aşçiyan) ra zanayîş gırewt.