Mescîda Eqsayê ya li Qudsa îşxalkirî careke din ji teref sîyonîstan ve rastî êrîşê hat. Li gorî agahiyên ku ji çavkaniyên herêmî hatine bidestxistin, çeteyên cihûyan di saetên sibehê de bi komî ketine Mescîd Eqsayê, di bin parastina polêsên sîyonîst de gerên provokatîf li dar xistine û rîtûelên Talmûdî pêk anîne.
Di nav êrîşkaran de xaxemê fanatîk Samson Albovim jî hebû, ku ew ji bo hilweşandina Mizgefta Eqsayê û li şûna wê avakirina "Perestgeha Silêman" pêşniyar dikir. Tê zanîn ku Albovim serokê rêxistineke radîkal e ku li gorî vê armancê tevdigere.
Qedexeya hatin û çûna Misilmanan û desteserkirina nasnameyan
Di dema serdegirtinan de, polêsên îşxalker ên sîyonîst ketina Misilmanan bo Eqsayê qedexe kirin, nasnameyên hinek kesan desteser kirin û li ber deriyê mizgeftê wan girtin.
Daîreya Weqfên Îslamî ya Qudsê ragihand ku "Komên Peykeran" ên radîkal ji bo roja qaşo "Roja Qudsê" ya ku dê di 26ê Gulanê de were pîrozkirin, li dijî Eqsayê provokasyonek nû amade dikin. (ÎLKHA)