Li navçeya Sûra Amedê ji ber pevçûnên ku berdewam dikin avahiyên dîrokî tên tehrîbkirin.Ji ber vê yekê avahiyên dîrokî bi tinekirine re rû bi rû mane.
Piştî ku li 9 taxên navçeya Sûra Amedê qedexe hat rakirin re li bajêra kevnar a bi hezaran sal, avahiyên dîrokî çawa hatine tehrîbkirin derketin holê.
Di serî de Sûrên Dîrokî yên ku ketibûn lîsteya UNESCOyê û her wiha gelek avahiyên dîrokî yên din dîwarên wan hatin şikandin û qûl di wan de hatine vekirin. Her wiha tehrîbata ku berikên roketan li avahiyên dîrokî kirine jî derketin holê. Her weke ku tê zanîn berî niha jî Mizgefta Kurşunluyê ya li Sûrê hatibû wêrankirin.
Pêvajoya çareseriyê ya demên dawî, bûbû sedem ku insan jiyana xwe ji dest bidin, bi deh hezaran însan koç bikin û bûbû sedem ku mîrasa çandî ya bi hezaran salî were wêran kirin.(ÎLKHA)