Sermaya dondurker a ku rojên dawî li Amedê bandora xwe zêde kiriye, rûyê sar ê zivistanê nîşanî her derê bajêr da. Bi daketina germahiya hewayê ya di binê sifrê de, li gelek cihan xunav (qeşa) çêbû û berî barîna baranê, li qadên dîrokî û xwezayî dîmenên mîna kartpostalan derketin holê.
Bi taybetî li Baxçeyên Hewselê, li herêma Hezretî Silêman û li qadên kesk ên li binê Sûrên dîrokî, xunava ku çêbû dîmenên bêhempa afirandin. Xunava ku çiqilên daran û giya spî kirin, bala welatiyên ku serdana herêmê dikin jî kişand.
Navçeya Sûrê û Baxçeyên Hewselê ku bi tevna xwe ya dîrokî û xwezayî tên naskirin, bi bandora sermayê bûn qada dîmenên zivistanê; gelek kesan van kêliyan bi telefonên xwe yên destan kişandin.
Piştî barana ku îro serê sibê li hin herêman dest pê kir, tê payîn ku di rojên pêş de pêleke nû ya sermayê were.