Li kana komira li Taxa Gumuşlera navçeya Orhanelîyê, ji teref M.O. (44)yê mesulê teqîna madenêyê ve teqînek hat kirin.
M.O. li herêma teqînê, ji ber şiqitîna zinaran hilweşînek pêk hat û di bin zinaran de ma.
Li ser xeberdayînê ji cîhê qezayê re gelek ekîbên tenduristî, cenderme û lêgerîn û xelaskirinê hatin sewqkirin.
Ekîbên ku gihaştin cîhê bûyerê dest bi xebatê kirin û diyar kirin M.O. canê xwe ji dest daye.
Cenazeya M.O. piştî lêkolîna dozger ji morgê re hat rakirin.
Di daxuyanîya ku ji teref Wezareta Ewlehîya Civakî û Xebatê ve hat belavkirin de weha hat gotin, “Li navçeya Orhanelîya Bûrsayê di dema karê teqînê de ji ber zinarên ku ji cîhê xwe şiqitîne karkerekî me di bin zinaran de maye û mixabin canê xwe ji dest daye. Ji birayê me yê ku canê xwe ji dest daye re ji Xwedê daxwazîya rehmê dikin, ji xizmên wî re jî sersaxîyê dixwazin.
Ji bona ku ji teref Wezareta me ve lêkolîn bê kirin mifetîşek hat wezîfedarkirin. Em ji raya giştî re dibêjin ku em ê şopînerê meseleyê bin.” (ÎLKHA)