Li Sêrtê li ber Çemê Botanê bedenê bêcan ê zarokê 11 salî hat dîtin; hat hînbûn ku xebatên lêgerînê yên ji bo bavê wî yê ku hat ragihandin winda ye, dê di saetên sibehê de dîsa dest pê bikin.
Li gorî agahiyên hatine girtin bûyer, li ser rêya Sêrt-Dihê (Eruh) li dorhêla Pira Botanê, li ser rêya kevn a Meydandereyê çêbû.
Welatiyekî ku li herêmê masî digirtin, ferq kir ku li cihê ku rê diqede û av dest pê dike, li ber avê bedenê zarokekî yê bêhevseng/bêliv hat û rewş ji Navenda Banga Lezgîn a 112yê re ragihand.
Piştî ku nûçe hat dayîn tîmên tenduristiyê, cendirme û Tîmên Lêgerîn û Rizgarkirina Binê Avê yên Midûriyeta Îtfaiyeyê ya Şaredariya Sêrtê ji bo herêmê hatin sewqkirin.
Di lêkolîna ku hat kirin de hat diyar kirin ku zarokê ku ji aliyê tîman ve ji avê hat derxistin jiyana xwe ji dest daye.
Hat tespîtkirin ku zarok F. S. yê 11 salî ye.
Piştî lêkolîna dozgerê komarê ya li cihê bûyerê, cenazeyê F. S. ji bo ku sedema wî ya teqez a mirinê bête diyar kirin ji bo otopsiyê hat rakirin bo morga nexweşxaneyê.
Piştî bûyerê tîman, ji bo bavê Ö. S. yê ku hat ragihandin winda ye li herêmê xebata lêgerînê dest pê kirin.
Hat diyar kirin xebatên ku ji ber tarîbûna hewayê navber dabûnê, dê sibehê di saet 05.00an de bi beşdariya tîmên binav re li Çemê Botanê dîsa bête meşandin.
Lêpirsîna derbarê bûyerê berdewam dike.