Qeza, li ser rêya Diyarbekir-Mêrdînê, li nêzîkî 7 kîlometreyî dûrî navenda navçeya Çinarê, li nêzî gundê Rûbêrê pêk hat.
Li gorî agahiyên ku hatine bi dest xistin, otomobîla bi plakaya 34 GU 3337 ku navê şofêrê wê nehat hînbûn, ji ber ku şofêr kontrola dîreksiyonê winda kir ji rê derket û wergeriya (teqle avêt).
Di qezayê de 5 kes birîndar bûn ku rewşa 2 ji wan giran bû; piştî destwerdana yekem a tîmên tendurustiyê ya li ser birîndaran, ew rakirin Nexweşxaneya Dewletê ya Çinarê. Li vir ji birîndaran H. A. tevî hemû destwerdanan jî nehat rizgarkirin, 4 birîndarên ku rewşa yekî ji wan giran e ji bo nexweşxaneyên li Diyarbekirê hatin sewqkirin. Hat diyarkirin ku yek ji jinên birîndar ducanî giran e.
Derbarê qezayê de lêpirsîn hat destpêkirin.