"Ji bo dîtina Nîmet Kiliçê xebatên lêgerînê hatin destpêkirin"
"Ji bo jina bi navê Nîmet Kiliç ku duh serê sibê ji mala xwe derket û winda bû, li herêmê xebatên lêgerînê hatin destpêkirin.
Li gorî îdiayan, Nîmet Kiliça ku li gundê Qubacixê yê girêdayî navçeya Çinara Diyarbekirê dijî, duh derdora saet 05.00’an de ji malê derketiye. Hat diyarkirin ku Kiliç nexweşa şîzofreniyê ye; gava xizmên wê demeke dirêj agahî jê negirtin, rewş ji Cendirmeyan re ragihandin.
Li ser agahdarkirinê, tîmên AFAD, Lêgerîn û Rizgarkirinê ya Zanîngeha Dîcleyê, tîmên tenduristiyê û jandarma sewqî herêmê hatin kirin. Tîman ji bo dîtina jina winda dest bi xebatan kirin.
Xebatên lêgerînê yên ji bo dayika du zarokan Nîmet Kiliç, bi piştgiriya şêniyên gund berdewam dikin."