Bûyer, derengiya şevê li Taxa Kalê, Kolana Cabayê ya navçeya Cizîrê pêk hat.
Li gorî agahiyên hatine wergirtin, di navbera endamên malbatê yên ku ji bo axaftin û çareserkirina neyartiyeke (husûmet) malbatî hatibûn cem hev de nîqaş derket. Nîqaşa devkî ya ku di demeke kurt de mezin bû, cihê xwe da şer. Di dema şer de Ş.C. yê ku nekarî hêrsa xwe kontrol bike, demançeya li ber pişta xwe derxist û gule li derdorê reşandin. Hevling (tîbrayê jnê) M.B., bira S.C. û Muxtar M.K. yê ku di wê navberê de ji bo veqetandina şer ketibû navberê, bûn hedefa fîşekên ji çekê derketin û di nav xwînê de li erdê man.
Li ser agahdarkirina welatiyên derdorê yên ku dengê çekan bihîstin, gelek polîs û tîmên tenduristiyê bo cihê bûyerê hatin sewqkirin.
Birîndar, piştî destwerdana yekem a tîmên tenduristiyê ya li cihê bûyerê, bi ambûlansan rakirin Nexweşxaneya Dewletê ya Cizîrê û hatin girtin bin tedawiyê. Hat hînbûn ku xetereya canî ya her sê kesên ku li nexweşxaneyê tên tedawîkirin nîn e.
Êrîşkar Ş.C. jî piştî bûyerê, tevî çeka ku di rûdanê de bi kar anîbû çû ewlekariyê û teslîmî polîsan bû. Gava ku tîmên polîsan li cihê bûyerê tedbîrên berfireh ên ewlekariyê girtin, ji aliyê meqamên dadî ve jî derbarê bûyerê de lêkolîneke berfireh hat destpêkirin.